الصباح البدن مدقدق و العينين منفوخة
شفت عيني في المريا تفجعت
تفجعت من كل شئ
من لونهم الباهت
من كلامهم البارد
من دمعاتهم الداخل
تفجعت من روحي الي ساكنة فيهم
فديت منها روحي
فديت نعاتبها
فديت نحاسبها
فديت ننهرها
فديت نسألها
وفديت من سكوتها
بيدي ولا بيدها حكاياتي؟
بيدي انا ولا بيدها هي مصيري؟
أنا الي نصنع فرحتي ولا هي؟
علاش ولينا زوز في بدن واحد
نتعاركو
و نتخصمو
و تركح البونية كل متضلم بيتنا
كنا محلانا بضحكاتنا المهبولة
لا غش ولا مناوشات
كان الضحك و اللعب
كان الفرحة و الأمل
كانت البراءة ملية عينينا
كانت الجرأة متخبيه في عينينا
نحب نرجع ال روحي
ولا روحي ترجعلي
المهم نرجعوا
المهم مانضيعوش
